အချုိုးကျကိုယ်စားပြုစနစ်ကို ဘာဖြစ်လို့မသုံးရမှာလဲ
ဒေါက်တာသန်းငြိမ်း
• ၁၈ - ရာစုနှစ် အင်္ဂလန်မှာ စတင်ကျင့်သုံးခဲ့တဲ့ " နိုင်သူအကုန်ယူ"ဆိုတဲ့၊ရွေးကောက်ပွဲစနစ်ရဲ့ မနှစ်မြို့စရာကောင်းတဲ့အချက်က၊ မဲဆန္ဒနယ်မှာရှိတဲ့ မဲပေးသူတွေထဲက ၄၉.၉% အထိဟာ ကိုယ်စားပြုမခံလိုက်ရဘူးလို့ စိတ်ထဲမှာခံစားရစေနိုင်တယ်။
( ၃၀-၆-၉၅ နေ့ US Today အယ်ဒီတာ့ အာဘော် )
• အချိုးကျ ကိုယ်စားပြုစနစ်က နိုင်ငံထဲရှိ မဲဆန္ဒရှင်အားလုံးလောက်ကို လွှတ်တော်အသီးသီးမှာ ကိုယ်စားပြောပေးခွင့် ရရှိစေနိုင်တယ်။
( ဘုန်းတော်ကြီး ဒက်စမွန်တူတူး၏ The Rainbow People of God မှ )
• အချိုးကျကိုယ်စားပြုစနစ်သည် အခြေခံအားဖြင့် ကိုယ်စားပြု ဒီမိုကရေစီနှင့် အတူတူပင် ဖြစ်သည်။ လွှတ်တော်တစ်ရပ်သည် နိုင်ငံအတွင်းမှ မတူကွဲပြာသည့် အမြင်များကို၊ ပြည့်ပြည့် စုံစုံ ကိုယ်စားပြုနိုင်မှသာ၊ လွှတ်တော်၏ ဆုံးဖြတ်ချက်များကို တစ်မျိုးသားလုံး၏ ဆုံးဖြတ်ချက်ဟု ယူဆနိုင်ပါမည်။
( ဗြိတိသျှ စွယ်စုံကျမ်း)
• ကျွန်ုပ်တို့၏ ထူးဆန်းသောရွေးကောက်ပွဲစနစ်ကြောင့် အမေရိကန်အစိုးရတွင် ပါတီ နှစ်ခုကွဲနေရသည်. အမေရိကန်ပြည်သူများက မကွဲပါ။
( Michael Lind, Atlantic Monthly, August 1992)
ကျွန်တော်တို့နိုင်ငံရဲ့ စစ်မှန်တဲ့ဒီမိုကရေစီတည်ဆောက်ရေးလုပ်ငန်းမှာ အရေးကြီးတဲ့ အခန်းကဏ္ဍက ပါဝင်တဲ့ ရွေကောက်ပွဲစနစ်နဲ့ပတ်သက်လို့ လွန်ခဲ့တဲ့ တစ်နှစ်အတွင်း တော်တော်များများ ဆွေးနွေးငြင်းခုံခဲ့ကြပါတယ်။ ယေဘူယျအားဖြင့်ကောင်းတဲ့လက္ခဏာလို့ ဆိုနိုင်ပါတယ်။
သို့သော်လည်း အချိုးကျကိုယ်စားပြုစနစ် မကောင်းကြောင်း ဟုတ်တာရော၊ မဟုတ်တာရော ဆီလိုအပေါက်ရှာပြီး ပြောဆို ဆွေးနွေးနေကြသူများအနေနဲ့ အစမှာကျွန်တော် တင်ပြထားတဲ့ အဆိုအမိန့်တွေကိုတော့ သတိမထားမိစရာမရှိဘူးလို့ ယူဆပါတယ်။ ဒီအဆိုအမိန့်တွေကို၊ ပြုစု ပြောဆိုသူတွေဟာ နှယ်နှယ်ရရမဟုတ်ဘူး၊ ထိပ်ထိပ်ကြဲတွေဆိုတာ မြင်ရုံနဲ့သိမှာပါ။
ဒါဖြင့်ကောင်းပါတယ်လို့ ဒီလောက်ညွှန်းထားတဲ့ စနစ်ကို၊ ဘာကြောင့် မမြင်ချင်ယောင် ဆောင်ပြီး ရစရာမရှိအောင် ဝေဖန်နေကြတာလဲ၊၊ မေးစရာရှိပါတယ်။ အဖြေကတော့ တချို့ကသေသေချာချာ မလေ့လာပဲ သံယောင်လိုက်တာရှိသလို၊ တချို့ကတော့ ကြောက်ရွံ့ခြင်းမှ မကင်းဝေးနိုင်ပဲဖြစ်နေကြလို့ပါ။ ဘာကိုကြောက်တာလဲဆိုတော့ "မိမိနှင့်တကွ" တို့ရဲ့ အကျိုးစီးပွား ထိမှာကိုကြောက်တာပါပဲ။ ဒီနေရာမှာ ဆက်စပ်လို့ သမ္မတလင်ကွန်းတို့ခေတ်က ဒီမိုကရေစီသမား၊ ကမ္ဘာကျော် ကဗျာဆရာကြီး ( Walt Whitman) ရဲ့( Leaves of Grass ) ကဗျာတွေထဲက ' အတွေး Thought' ဆိုတဲ့ ကဗျာ နှစ်ပိုဒ်ကို ဖေါ်ပြလိုက်ပါတယ်။
အတွေး _ Thought by Walt Whitman
ညီမျှခြင်း -
ငါရရှိတဲ့ အခွင့်အလမ်းမျိုး၊
တခြားသူတွေကို ပေးလိုက်ရင်၊
ငါပဲ ဒုက္ခရောက်တော့မလို။
ငါပိုင်တဲ့ အခွင့်အရေးမျိုး
တခြားသူတွေပိုင်ဆိုင်ရင၊်
ငါ့မှာ ကုန်သွားတော့မလို။
OF Equality_
As if it harmed me, giving others
The same chances and rights as myself_
As if it were not indispensable
To my own rights
That others possess the same.
နာခံခြင်း ၊ ယုံကြည်ခြင်း၊ တွယ်ကပ်ခြင်း-.
လူတွေအပေါ် ယုံကြည်မှု မရှိတဲ့သူတွေ
ဦးဆောင်တဲ့နောက်
ကြီးမားတဲ့ လူအုပ်ကြီးက
လိုက်ပါသွားနေတာကို
ကျုပ်ဟာ ဘေးကခပ်ခွါခွါရပ်ပြီး၊
ကြည့်မိတဲ့အခါ၊ စိတ်ထဲမှာ
နက်နက်ရှိုင်းရှိုင်း ထိခိုက်မိတယ်။
OF obedience, faith, adhesiveness_
As I stand aloof and look
There is to me
Something profoundly affecting
In large masses of men
Following the lead of those
Who do not believe in men.
(1860)
ကိုယ်ကျိုးစီးပွားဆိုတာတော့ ပစ်ပယ်နိုင်သူရှာမှရှားပါ။ ကိုယ်ကျိုးကိုထည့်မတွက်ရဘူးလို့တော့ ပြောလို့မရပါဘူး။ ဒါပေမဲ့ ကိုယ်ကျိုးအတွက် သူတပါးအကျိုးကိုနင်းခြေပစ်ခွင့်တော့ လူ့ယဉ်ကျေး အသိုင်းအဝန်းကခွင့်မပြုပါဘူး၊ ဒီလို မူကြိုအဆင့် အပြောမျိုးတွေပြန်ပြောနေရတာစိတ်မကောင်းပါဘူး။
လစ်ဘရယ်ဒီမိုကရေစီသဘောတရားရဲ့အခြေခံမှာကိုက "အများစုသည် အုပ်ချုပ်ခွင့်ရှိပါသည်။ သို့သော်ပြည်သူတစ်ရပ်လုံးသည်ကိုယ်စားပြုခံခွင့် ရှိရပါမည်။( Majority may rule, but all of the people should be represented)" လို့ဆိုထားပါတယ်။ ဒီတော့ အများစုက ထောက်ခံလို့ အုပ်ချုပ်ခွင့် ရရင် ကျေနပ်လောက်ပါတယ်။ ကျန်သူတွေရဲ့ဆန္ဒဖေါ်ထုတ်ခွင့်၊ ကိုယ်စားပြုခံခွင့်ကိုတော့ မပိတ်ပင်ကောင်းဘူးလို့ ယူဆပါတယ်။ ဒီမိုကရေစီစနစ်မှာ မတူကွဲပြားမှု ( Diversity)ကို အသိအမှတ် ပြုရမယ်ဆိုတာကို မေ့နေကြပြီလားမသိ။
ကိုယ်စားပြုမှု ရဲ့အရေးပါမှုကို ဆက်ဆွေးနွေးပါမယ်။ FPTP ဆိုတဲ့၊ နိုင်သူအကုန်ယူစနစ်မှာ၊ မဲဆန္ဒနယ်တစ်နယ်က ရွေးကောက်လိုက်တဲ့ တစ်ဦးတည်းသောလွှတ်တော်ကိုယ်စားလှယ်ဟာ၊ တစ်နယ်လုံးကမဲဆန္ဒရှင်အားလုံးကိုကိုယ်စားပြုတယ်ဆိုတာ ဟုတ်ကောဟုတ်ရဲ့လား၊ ဖြစ်နိုင်ပါ့မလား၊ အကျိုးစီးပွားဆန့်ကျင်နေတဲ့အုပ်စုတွေကိုဘယ်လိုကိုယ်စားပြုမှာလဲ။ ဥပမာ မဲဆန္ဒနယ်မှာ လယ်မြေအသိမ်းခံ ထားရတဲ့လယ်သမားတွေရှိတယ်။ ဆိုင်ရာဆိုင်ရာနဲ့ပေါင်းပြီးဒီလယ်တွေကို အလကားလောက်နီးနီးနဲ့ သိမ်းလိုက်တဲ့ ငွေရှင်ကြေးရှင်တွေရှိတယ်။ ဒီလိုပဲ မဝရေစာလုပ်ခလစာနဲ့ အခိုင်းခံထားရတဲ့ အလုပ်သမား တွေရယ်၊ ခိုင်းထားတဲ့အလုပ်ရှင်ရယ်ရှိတယ်ဆိုပါတော့။ အကျိုးစီးပွား ဆန့်ကျင်နေတဲ့ အုပ်စုနှစ်ခုစလုံးကို ကိုယ်စားပြုထားပါတယ်ဆိုတဲ့ လွှတ်တော်ကိုယ်စားလှယ်ကြီးဟာ လွှတ်တော်တွင်း၊ လွှတ်တော်ပြင်မှာ ဘယ်လိုရပ်တည်၊ ပြုမူ၊ပြောဆိုမလဲ။ ငွေရှင်ကြေးရှင် လုပ်ငန်းရှင် တွေနဲ့မကင်းရာမကင်းကြောင်းဆိုရင်တစ်မျိုး၊ လယ်သမားအလုပ်သမားတွေအပေါ် ကြင်နာစိတ်ရှိရင် တစ်မျိုး၊ တဖက်ဖက်ကိုပဲ ကိုယ်စားပြုလို့ရမယ်။ နှစ်မျိုးတင်ပြလို့မရဘူး။ ဒီတော့ အားလုံးကို ကိုယ်စားပြုတယ်ဆိုတာ မဟုတ်ဘူးပေါ့။ လက်တွေ့မကျဘူးပေါ့။
အချိုးကျကိုယ်စားပြု (PR) စနစ်ကျတော့ဒီလိုမဟုတ်ဘူး။ မဲဆန္ဒနယ်ကျယ်ကျယ်(ဥပမာ- ၁၀ျြမို့နယ်ပေါင်းထားတဲ့ မဲဆန္ဒနယ်) မှာ ၊ ကိုယ်စားလှယ်လောင်းအများ (ဥပမာ- ၁၀ ယောက်) ကို တစ်ခါတည်းရွေးတယ်။ မဲဆန္ဒရာခိုင်နှုံးအနည်းအများအလိုက် အချိုးကျကျခွဲယူရတယ်။ ဥပမာ ပါတီကြီးတစ်ခုက ငွေရှင်ကြေးရှင်တွေနဲ့ ပုလဲနံပသင့်ပြီး ကြံတတ်ဖန်တတ်လို့၊ မဲ ၇၀% ရပြီး၊ လွှတ်တော်ကိုယ်စားလှယ် ၇ ယောက် ရဦးတောင်မှ၊ လယ်သမားအလုပ်သမားအတွက်ရပ်တည်ပေးတဲ့ ပါတီက အလုပ်သမားလယ်သမားတွေ လိုပဲဆင်းရဲတော့၊ လူတွေကသိပ်အဖက်မလုပ်တဲ့အတွက် မဲ-၃၀% နဲ့ ကိုယ်စားလှယ် ၃-ယောက်တော့ ရနိုင် သေးတယ်။ ဘာပဲဖြစ်ဖြစ် ဒီ ၃-ယောက်ဟာ လွှတ်တော်မှာ လယ်သမား အလုပ်သမားတွေရဲ့ဆန္ဒကို ကိုယ်စားပြုဖေါ်ထုတ်နိုင်မှာပေါ့။
အခုတင်ပြတဲ့ အချက်ဟာ အရေးကြီးသလောက်၊ သဘောပေါက်ဖို့လည်းမခက်ပါဘူး။ သို့သော် ကိုယ့်ပါတီအအစိုးရဖြစ်ဖို့အတွက်၊ လက်ပံတောင်တောင်ပြိုသလို၊ မြစ်ဆုံဧရာဝတီကမ်း ပြိုသလို တောင်ပြိုကမ်းပြိုအနိုင်ရချင်သူတွေရဲ့ခေါင်းတွေထဲတော့ ဒီအတွေးဟာ ဝင်နိုင်စရာ အကြောင်းမရှိဘူး။
နိုင်သူအကုန်ယူ (FPTP) ရဲ့အားနည်းချက်တွေထဲက အရေးကြီးတဲ့ နောက်တစ်ချက်က တဖြည်းဖြည်းနဲ့ ပါတီစုံစနစ်ကနေ ပါတီကြီး ၂- ပါတီကြီးစိုးတဲ့စနစ်၊ အဲဒီကနေ ဒီမိုကရေစီ မရင့်ကျက်ဘူးဆိုရင်၊ တစ်ပါတီတည်းကြီစိုးတဲ့ ရွေးကောက်ခံအာဏာရှင်စနစ်ဆီကို ရောက်သွားမယ့် ကိစ္စပါပဲ။
နိုင်သူအကုန်ယူစနစ်မှာ ပါတီငယ်လေးတွေဟာ နိုင်ခြေမရှိသလောက်ပါပဲ။ ပါတီငယ်တွေကို မဲပေးခဲ့သူတွေက ပေးတဲ့မဲတွေ ဘာမျှအရာမထင်ဘူးဆိုတာသိလာတော့ မပေးတော့ဘူး။ ပါတီငယ်တွေကလည်း ကြာကြာရပ်တည်လို့မရတော့၊ ပါတီတွေဖျက်ပြီး နီးစပ်ရာပေါင်းသွားကြရော၊ ဒီလိုနဲ့ နှစ်ပါတီစနစ်ဖြစ်သွားတဲ့အခါ၊ ပြည်သူတွေအတွက် ကြိုက်သည်ဖြစ်စေ၊ မကြိုက်သည်ဖြစ်စေ၊ တခြားရွေးစရာမရှိတော့ဘူး။ အခုပဲစဉ်းစားကြည့်။ ရှိနေတဲ့ပါတီတွေထဲက ကြိုက်ရာပါတီ ၂-ခုပဲချန်ထားပြီး၊ ကျန်တာတွေကို စိတ်ထဲကနေဖျက်ပစ်လိုက်။ ပြည်သူလူထုကလိုလိုလားလား လက်ခံမယ်ထင်သလား။
FPTP စနစ်နဲ့ နှစ်ပါတီကြီးစိုးပြီး တည်တည်တန့်တန့်နဲ့ရှိနေနိုင်တယ်ဆိုတာ၊ ဒီမိုကရေစီ အသားကျနေတဲ့ အင်္ဂလိပ်၊ အမေရိကန်၊ ကနေဒါ တို့လိုနည်းနည်းပါပါးပဲရှိပါတယ်။ ဒါမှမဟုတ်ရင် တစ်ပါတီကြီးစိုးတဲ့ ရွေးကောက်ခံ/ ရွေးကောက်မခံ အာဏာရှင်စနစ်ဆီ တန်းရောက်သွားတော့တာပဲ။ တခြားဝေးဝေးကြည့်မနေပါနဲ့၊ ကိုယ့်နိုင်ငံ လွတ်လပ်ရေးရချိန်ကစပြီး ဒီဘက်ကိုကြည့်လိုက်ပေါ့။ ခေါင်းစဉ်လောက်ပဲပြောမယ်။ နောက်လူတွေ ရှာကြည့်ကြပါ။ နာမည်ရှေ့မှာ မိတ္ထီလာ၊ ပျဉ်းမနား၊ လယ်ဝေး၊ အောင်ပင်လယ်ဆိုတာတွေ တပ်ထားတဲ့ပုဂ္ဂိုလ်တွေ၊ ငါန်းဇွန် (၆)လောင်း၊ မင်းလှ (၄) လောင်း၊ မြိတ် မပိုဘယ်မှာလဲ၊ ဆီတောင်အိုင်လူသတ်မှု စတာတွေဟာ တစ်ပါတီကြီးစိုးတဲ့ နိုင်ငံရေးနဲ့ပတ်သက်တာတွေပါ။ ရွေးကောက်မခံအာဏာရှင်တွေအကြောင်းတော့ အားလုံ့းသိပြီးသား ပါပဲ။ တစ်ချက်ပြောချင်တာက ရွေးကောက်မခံအာဏာရှင်စနစ်ဟာ၊ ရွေးကောက်ခံအာဏာရှင် စနစ်မှာမြစ်ဖျားခံလေ့ရှိတယ် ဆိုတာပဲ။
FPTP အကြောင်း မကောင်းပြောပြီးတဲ့အခါ၊ PR အကြောင်းလည်း မကောင်းပြောမှ တရားမှာပေါ့။
ရွေးကောက်ပွဲမှာ၊ အချိုးကျ ကိုယ်စားပြုစနစ်မသုံးစွဲဖို့၊ အများဆုံး အကြောင်းပြတဲ့အချက်က၊ လွှတ်တော်မှာ ပါတီအများအပြားရောက်လာတဲ့အတွက်၊ အများစု ကိုယ်စားပြု ခိုင်မြဲတဲ့ ညွန့်ပေါင်း အစိုးရ ဖြစ်မလာနိုင်ဘူးဆိုတဲ့အချက်ဖြစ်ပါတယ်။ ဒီအချက်ကိုသက်သေပြတဲ့အနေနဲ့၊ စစ်ပြီးခေတ် အီတလီအစိုးရဟာ မတည်မငြိမ်နဲ့ တစ်နှစ်တစ်ကြိမ်လောက်ပြောင်းခဲ့တာကိုလက်ညှိုးထိုးပြလေ့ ရှိတယ်။ နောက်ထပ်ပြတဲ့ ဥပမာတစ်ခုကတော့၊ နယူးဇီလန်နိုင်ငံပါပဲ။ အဲဒီတုံးက ဝန်ကြီးချုပ် ဟယ်လင်ကလပ်ဟာ ပါလီမန်မှာ အများစုရရေးအတွက်၊ ပါတီငယ်လေးတစ်ခုကခေါင်းဆောင်ကို၊ "ကက်ဘိနက်ပြင်ပ နိုင်ငံခြားရေးဝန်ကြီး' အဖြစ် ခန့်အပ်ခဲ့ရတယ်။ အဲဒီဝန်ကြီးက အစိုးရအဖွဲ့ရဲ့ စုပေါင်းတာဝန်ယူမှုမှာ ဝင်ပြီးမပါဘူး။
အစိုးရမတည်မငြိမ်ဖြစ်တယ်ဆိုတာ၊ အစိုးရတွေကို လွှတ်တော်က ခန့်နိုင်ဖြုတ်နိုင်တဲ့ နိုင်ငံတွေမှာ ဖြစ်တတ်တာပါပဲ။ အဲဒီစနစ်မှာ ဝန်ကြီးချုပ် ( ဒါမှမဟုတ် သမ္မတ၊ အဓိပတိ) ရာထူးကို လွှတ်တော်အမတ် အများစုရတဲ့ပါတီခေါင်းဆောင်ကို ခန့်အပ်လေ့ရှိတယ်။ အဲဒီပါတီကလည်း၊ အများစုကို မိမိပါတီတစ်ခု တည်းဖြစ်စေ၊ တခြားပါတီ(များ)နဲ့ ညွန့်ပေါင်းဖွဲ့ပြီးဖြစ်စေရယူကြတယ်။ အာဏာခွဲဝေရေးကို ပီပီပြင်ပြင် ကျင့်သုံးပြီး၊ အုပ်ချုပ်ရေးပိုင်းဆိုင်ရာ သမ္မတနဲ့ ဥပဒေပြုရေးဆိုင်ရာ ပါလီမန်ကို တစ်သီးတခြားစီပြည်သူလူထုက တိုက်ရိုက်ရွေးကောက်တင်မြှောက်တဲ့ ပြင်သစ်၊ အမေရိကန်ပြည်ထောင်စု၊ တောင်ကိုရီးယား၊ အင်ဒိုနီးရှား စတဲ့သမ္မတ အုပ်ချုပ်တဲ့ နိုင်ငံတွေမှာတော့ တစ်ဖက်က်ို တစ်ဖက်ဖြုတ်ချလို့မလွယ်တဲ့အတွက်၊ အစိုးရတွေဟာ ခိုင်မြဲကြပါတယ်။ တောင်ကိုရီးယားနဲ့ အင်ဒိုနိးရှားတို့ဟာ၊ အာရှက PR စနစ်သုံးတဲ့နိုင်ငံတွေပါပဲ။
အချိုးကျကိုယ်စားပြှုစနစ် (PR)သုံးပြီး၊ လွှတ်တော်ကိုတာဝန်ခံရတဲ့ အစိုးရတွေထဲမှာလည်း၊ တည်ငြိမ်မှုရှိတဲ့နိုင်ငံတွေရှိပါတယ်။ ဂျာမနီ၊ အစ္စရေး၊ တောင်ကာဖရိက တို့က ခေါင်းထဲ ရောက်လာမှာပါ။ သြစတြေးလျနိုင်ငံက တက်စမေးနီးယားပြည်နယ်၊ အောက်လွှတ်တော်ကို၊ PR စနစ် နဲ့ ရွေးကောက်ပါတယ်။ လွှတ်တော်မှာ ပါတီအများအပြားပါဝင်ပေမယ့်၊ သြစတြေလျလေဘာပါတီဟာ ၁၉၃၄ ခုနှစ်က ၁၉၆၉ ခုနှစ်အထိ၊ (၃၅)နှစ်တိုင်တိုင်ဆက်တိုက် အုပ်ချုပ်လာခဲ့ပါတယ်။ ဒါပေမဲ့ တစ်ဖက်မှာ FPTP စနစ်ကျင့်သုံးတဲ့၊ ဝိတိုရီယပြည်နယ်ဟာ ၁၉၄၃ ခုနှစ်က ၁၉၅၅ ခုနှစ်အထိ (၁၂)နှစ်အတွင်း၊ အစိုးရ (၁၁)ဆက် ပြောင်းခဲ့ပါတယ်။
ဒါကြောင့် မတည်ငြိမ်တဲ့အစိုးရမျိုးဟာ အချိုးကျကိုယ်စားပြုစနစ်မှာပေါ်ပေါက်တတ်တာမို့၊ အသုံးမပြုထိုက်ဘူးလို့ပြောရင်တော့ တရားနည်းလမ်းမကျဘူးလို့ပဲ ပြောရပါလိမ့်မယ်။
နောက်တစ်ချက်။ အချိုးကျကိုယ်စားပြုစနစ် (PR) အပေါ် ဆန့်ကျင်တဲ့ စွပ်စွဲချက်တွေထဲမှာ၊ တော်တော် ကပေါက်တိကပေါက်ချာနိုင်တဲ့ထွင်လုံးကတော့၊ လွှတ်တော်မှာ ဘယ်ပါတီကမျှ အများစု မရခဲ့ရင်၊ ပါတီငယ်ကလေးတစ်ခုက အာဏာချိန်ခွင်လျှာကို ကိုင်ကစားပြီး၊ ကိုယ်လိုချင်တဲ့ အဆိုတွေ၊ ဥပဒေကြမ်းတွေကို အောင်မြင်အောင်လုပ်သွားတာတို့၊ မလိုလားတဲ့အဆိုတွေ၊ဥပဒေကြမ်းတွေကို တားဆီးပိတ်ပင်တာတို့ကို လုပ်သွားနိုင်မယ်ဆိုတဲ့အချက်ပဲဖြစ်ပါတယ်။ ဖြစ်ပုံက နိုင်ငံရေးပါတီ တစ်ခုဟာ၊ လွှတ်တော်မှာအများစု ကိုယ်စားလှယ်မရပေမဲ့၊ ( ဥပမာ ၄၇% နဲ့) အင်အားအကြီးဆုံးပါတီဖြစ်နေရင်၊ သူတို့ဟာ ပြည်သူလူထု အများစုကိုကိုယ်စားပြုတယ်လို့ပဲ ထင်လာတတ်ကြတယ်။ အဲဒီပါတီကြီးက သူအရေးကြီးတယ်လို့ထင်တဲ့ အဆိုကိုတင်သွင်းရာမှာ၊ ပါတီ ငယ်ကလေးက သူ့လက်ထဲရှိတဲ့အင်အား( ဥပမာ- ၅%)နဲ့ မထောက်ခံရင်၊ ဒီပါတီငယ်ကလေးက ညစ်တယ်၊ မတရားလုပ်တယ်လို့ ယူဆတတ်တယ်။
အမှန်စင်စစ်ကတော့၊ ပါတီကြီးတင်သွင်းတဲ့ အဆိုအတည်မဖြစ်တာဟာ၊ ပါတီငယ်ကလေးက မတောက်ခံလို့မဟုတ်ပဲ၊ ပါတီကြီးကလွဲလို့၊ တခြားပါတီတွေအားလုံးစုစုပေါင်း (၅၃% ) က မထောက်ခံလို့ ဖြစ်ရတာပါ။ ဒါကြောင့် လွှတ်တော်ကိုယ်စားလှယ် အများစု မထောက်ခံလို့ အဆိုတွေ ဥပဒေတွေ အတည်မဖြစ်တာကို၊ "မတရားပါဘူး" လို့ ပြောနေတာကိုတော့၊ တော်တော်နားလည်ဖို့ ခက်ပါတယ်။
ဒေါက်တာ သန်းငြိမ်း
NDF
$$ kotoetoe $$
No comments:
Post a Comment