မိုးကုတ်ကိုတိုး၏ အတွေးများ(၁) ၁-၁-၂၀၁၂

၂၀၁၃ ခုနှစ်ထဲကို စတင်ဝင်ရောက်လာပါပြီ
၂၀၁၂ က ပြဿနာများစွာ နောက်ကထပ်ကြပ်မကွာလိုက်လာနေဆဲပါ
ရခိုင်ပြဿနာမှာ သေသေချာချာလုပ်ဆောင်ရမည့် ပြဿနာတစ်ခုအဖြစ် မြင်နေရပါသည်။
ကွဲပြားခြားနားနေသော လူမျိုးစုနှစ်စု၊ မတူညီတဲ့ ဘာသာရေး၊ ပေါင်းစပ်လို့မရတဲ့ ဓလေ့ထုံးစံနှင့်
လူဦးရေပေါက်ကွဲနေသော တစ်ဖက်အိမ်နီးခြင်းနိုင်ငံတို့ကြောင့် ငြိမ်းချမ်းမှုဆိုသည်မှာ ဖြစ်နိုင်ချေနည်းနေပါသည်။
ရခိုင်ပြည်နယ်တွင် ရခိုင်လူမျိုးများ နည်းနေပါသည်
ရခိုင်ပြည်နယ်ပြင်ပရောက် ရခိုင်များအနေဖြင့် အဝေးမှအသံပဲ ပေးနေတော့ပါမည်လား
ကိုယ်တိုင်ရခိုင်ပြည်နယ်သို့ ပြန်သွားကြရန် စိတ်ကူးမရှိကြတော့ဘူးလားလို့ မေးချင်ပါသည်။
ရခိုင်ပြည်နယ်သည် ရခိုင်လူမျိုးများအတွက်သာဆိုလျှင် စဉ်းစားသင့်ပါသည်။
ဤအတိုင်းသာဆက်သွားနေကြမည်ဆိုလျှင် ရခိုင်ပြည်နယ်သည် အမည်အားဖြင့်သာကျန်ဖို့များနေပါလိမ့်မည်
ကချင်ပြဿနာသည်လည်း ဖြေရှင်းရမလွယ်ကူပါ
လိုင်ဇာကိုဝိုင်းထားနိုင်ပြီဖြစ်သော်လည်း နိုင်ငံရေးအရ မဖြေရှင်းနိုင်သေးပါ
ဖယ်ဒရယ်အရေး၊ ကိုယ်ပိုင်အုပ်ချုပ်ခွင့်၊ ပြည်နယ်စစ်တပ်၊ ပြည်ထောင်စုတပ်မတော်၊ အစရှိသည့်အသံများ ဗြောင်းဆန် နေအောင်ထွက်သော်လည်း အရင်းစစ်ပါက ထိပ်ပိုင်းခေါင်းဆောင်များ၏ ကိုယ်ကျိုးစီးပွားက အဓိကဖြစ်နေပါလိမ့်မည်
ကချင်ပြည်နယ်သည် ကချင်လူမျိုးအတွက်ဆိုလျှင်
၁၉၃၁ ခုအုပ်ချုပ်ရေးအရ ကချင်တောင်တန်းဒေသကို ပြန်သွားနေရပါလိမ့်မည်
ကချင်ပြည်နယ်တွင် ကချင်မဟုတ်သောလူမျိုးနွယ်များ အများအပြား ရှိနေကြပါပြီ
ဝမ်ပေါင်ကချင်သမ္မတနိုင်ငံဟူသည် ကချင်များအတွက် အိမ်မက်ဖြစ်နေသော်လည်း
အခြားသူများအတွက် အိမ်မက် ဖြစ်ချင်မှဖြစ်ပါလိမ့်မည်
နိုင်ငံတော်အလံကို ချနင်းပြနေသော ကချင်လူမျိုးများကို တွေ့နေရပါပြီ
ပြည်ပကချင်ပဲဖြစ်ဖြစ် ပြည်တွင်းကချင်ပဲဖြစ်ဖြစ် အားမပေးပါ

နိုင်ငံတော်အာဏာကိုရချင်သည်
နိုင်ငံတော်သမ္မတအဖြစ် တာဝန်ထမ်းဆောင်ချင်သည်ဟု
ဒေါ်အောင်ဆန်းစုကြည်က တရားဝင်ပြောလာပါပြီ
ပြည်သူ့အတွက် လုပ်ပေးချင်လို့ အာဏာရချင်ပါတယ်လို့ ပြောပါတယ်
ဒီအတွက် ၂၀၀၈ အခြေခံဥပဒေပြင်ဆင်ရေးကို တွန်းအားပေးလာကြပါပြီ
အချို့က ၂၀၀၈ အခြေခံဥပဒေကို ပြင်ဆင်ရေးထက် ဒီမိုကရေစီကျတဲ့ အခြေခံဥပဒေအသစ်ကို ရေးဆွဲ
အတည်ပြုကြဖို့ ၀ိုင်းတွန်းနေကြပါပြီ
လူထုလူတန်းစားပေါင်းစုံက ၀ိုင်းရံကြဖို့ ရေးနေကြပါပြီ

အားလုံးကိုပြောလိုပါသည်
အစိုးရသစ်ပေါ်လာသည်မှာ ၂နှစ်သားပင် မပြည့်သေးပါ
အခြေခံဥပဒေအတိုင်းပင် အပြည့်အ၀မလည်ပတ်နိုင်သေးပါ
ဒီမိုကရေစီဘက်တော်သားများ အောင်ပွဲဆင်ခဲ့လို့ ဒီနေအခြေအနေမျိုး ရောက်ရှိနေခြင်း မဟုတ်ပါ
ကျွန်တော်တို့နိုင်ခဲ့လို့ အပြောင်းအလဲ ဖြစ်ပေါ်ခဲ့သည် မဟုတ်ပါ
တစ်ဖက်က ကိုယ့်ဖာသာကိုယ်ဆုတ်ခွာသွားခြင်းကြောင့် ဖြစ်တာကို သတိမမေ့ကြပါနဲ့
၂၀၁၀ တုန်းက အင်အားချင်းပြိုင် အားစမ်းရမယ့်အခြေအနေမှာ အားမစမ်းရဲတဲ့သူတွေကြောင့်သာ
ယနေ့လွှတ်တော်မှာ ဒီမိုကရေစီအင်အားစုတွေ နည်းနေရခြင်း ဖြစ်ပါတယ်
ယနေ့ ဒီလူတွေရဲ့အသံဟာ ဘ၀ဂ်အထိ ညံနေသော်လည်း နှလုံးသားထဲမှာ မဖြူစင်သေးပါ
အညှိူးများ၊ အမုန်းတရားများ၊ အာဃာတများ အရိပ်ထိုးနေဆဲဖြစ်ပါတယ်
ဒါတွေကို ချန်ထားခဲ့မှသာ ရှေ့ဆက်သွားနိုင်ပါလိမ့်မယ်
ဒါတွေကိုရင်ဝယ်ပိုက်ထားဆဲဆိုလျှင် တိုင်းပြည်အနာဂတ် မှေးမှိန်ဖျော့တော့နေဆဲ ဖြစ်ပါလိမ့်မည်
တစ်ဖက်လူများသည် အလွန်သံသယကြီးသူများ ဖြစ်ကြပါသည်
သူတို့ သံသယကင်းစင်သွားအောင် ကိုယ့်ဖက်က သူယုံကြည်လာအောင် လုပ်ပြဖို့ လိုပါသည်
အလံဖြူပြ၍ လက်နက်ချသူများကိုတောင် သေနတ်ဖြင့်ချိန်၍ မျက်ခြေမပြတ်စောင့်ကြည့်ရသည့်
စစ်သဘောတရားမျိုးကို နားလည်သင့်ပါသည်။
နုရင်ဘတ်စစ်ခုံရုံးဆိုတဲ့အသံကြောင့် အနှစ် ၂၀ အမှောင်ဖုံးခဲ့ပါပြီ
ပြည်သူ့ခုံရုံးဆိုသည့် အသံကြောင့် နောက်ထပ်အနှစ် ၁၀၀ ထပ်မတွေ့ချင်ပါ
လက်ရှိလူငယ်မျိုးဆက်နှင့် အနာဂတ်မျိုးဆက်တွေရဲ့ မျက်နှာများကို ကြည့်ဖို့လိုနေပါသည်။
နှစ်ဦးနှစ်ဖက် ပြေလည်နိုင်မယ့်လမ်းကြောင်းမျိုးကို လျှောက်လှမ်းစေချင်ပါသည်
တောင်အာဖရိနိုင်ငံရဲ့ အမှန်တရားရှာဖွေဖော်ထုတ်ရေးကော်မရှင်လိုမျိုးကိုသာ တွေ့ချင်ပါသည်
အရှေ့တွင် အချင်းချင်းအပြုံးချင်းဖလှယ်၍ နောက်ကျောတွင်ဓားဝှက်ထားသော အဖြစ်မျိုးနဲ့ ယုံကြည်မှုတည် ဆောက်ခြင်း ကို  အလိုမရှိပါ
တစ်မြေတည်းနေ၊ တစ်ရေတည်းသောက်ပြီး ဒီမြေမှာပဲ သေကြမည့်သူအချင်းချင်း
ပြေပြေလည်လည် ဖြစ်စေချင်ပါသည်


ပြည်သူ့အတွက်လုပ်ပေးချင်လို့ နိုင်ငံတော်အာဏာရချင်ပါတယ်လို့ ဆိုနေပါတယ်
နိုင်ငံတော်အာဏာရမှ ပြည်သူအတွက် လုပ်ပေးနိုင်မှာလား
မရရင် လုပ်ပေးလို့ မရတော့ဘူးလား
အခြားနည်းလမ်းများနဲ့ ပြည်သူအတွက် လုပ်ပေးနိုင်တာများ မရှိဘူးလားလို့ မေးချင်ပါသည်
၂၀၁၅ မှာ ကျွန်မသမ္မတဖြစ်ချင်တာထက်
၂၀၁၅ မှာ ဒီမိုကရေစီဘက်တော်သားတွေထဲကတစ်ယောက် သမ္မတဖြစ်စေချင်တယ်
ဒါမှမဟုတ် ကျွန်မတို့ပါတီကတစ်ယောက် သမ္မတဖြစ်ချင်ပါတယ်ဆိုရင်က ပိုမကောင်းဘူးလား

အခြေခံဥပဒေတစ်ခု အတည်ဖြစ်သွားပြီးရင် ထိုဘောင်ထဲက ကစားတတ်ဖို့ ၊ ချဲ့ယူတတ်ဖို့ လိုပါသည်
တကယ်လို့ပြင်ချင်တယ်ဆိုရင် ကိုယ့်ဖက်က အင်အားများကို စုစည်းထားနိုင်ပါပြီလား
ပြိုင်ဖက်၊ ရန်ဖက်အင်အားစုများကိုလည်း ဘယ်လိုသိမ်းသွင်းထားနိုင်ပြီလဲ
တပ်မတော်ရဲ့ယုံကြည်မှုကို လူပုဂ္ဂိုလ်အနေဖြင့်ရော၊ ပါတီအနေဖြင့်ရော ရနေပါပြီလား
အခြားအင်အားစုများက တကယ်ကိုရော ထောက်ခံပါပြီလား
လူဝိုင်းဝိုင်းလည်တိုင်း ကိုယ့်အင်အားအစစ်အမှန်လို့ ခံယူနေခြင်းက တကယ့်ယုံကြည်မှုလား
ပါတီရဲ့ အခြအနေက သတင်းများမှာ ဖော်ပြနေပါသည်။
ရိုက်ပွဲများ၊ ထိုးပွဲများ၊ ဆန္ဒဖော်ထုတ်ပွဲများ၊ ဆိုင်းဘုတ်ဖြုတ်ချပွဲများ
ကိုယ့်ပါတီကို ကိုယ်ဆန္ဒပြန်ပြခြင်းသည် မြန်မာ့သမိုင်းတွင် ပထမဦးဆုံးသမိုင်းဝင်လုပ်ရပ် ဖြစ်ခဲ့ပါသည်
ထိုပါတီထဲမှ ထွက်ပေါ်လာမည့် ခေါင်းဆောင်ဆိုသူများကို စောင့်မျှော်နေပါသည်

တခါတလေ ဗိုလ်ချုပ်အောင်ဆန်းကို အားနာမိပါသည်
ဗိုလ်ချုပ်အောင်ဆန်းသည် တိုင်းရင်းသားသွေးစည်းညီညွတ်ရေးနှင့် အမျိုးသားစည်းလုံးညီညွတ်ရေးကို ဖော်ဆောင် နိုင်ခဲ့ပါသည်။
ဖဆပလသည် တစ်ပါတီတည်း မဟုတ်ပါ
တပ်ပေါင်းစုပုံသဏ္ဍန် ဖွဲ့စည်းထားခြင်း ဖြစ်ပါသည်။
အဖွဲ့အစည်းခေါင်းဆောင်တိုင်းနှင့် တွေ့ဆုံကာ နေရာပေးသင့်သူများကို လွတ်လပ်ရေးကို မျှော်ကိုး၍ နေရာပေးခဲ့ပါသည် ပုဂ္ဂိုလ်ရေးအာဃာတများကို ရှေ့တန်းမတင်ခဲ့ပါ
စည်းလုံးညီညွတ်ရေးကိုသာ ရှေ့တန်းတင်ခဲ့ပါသည်
မိန့်ခွန်းများများ မပြောပါ
တကယ့်လက်တွေလုပ်ရပ်များဖြင့်သာ ကိုယ့်အရည်အချင်းကို မှတ်ကျောက်တင်ပြခဲ့ပါသည်
ထုိ့ကြောင့် လူထုခေါင်းဆောင်၊ အမျိုးသားခေါင်းဆောင်အဖြစ် မည်သူကမှ အစားမထိုးနိုင်ခဲ့ပါ။
ဗိုလ်ချုပ်လိုအရည်အချင်းမျိုး ရှိစေလိုပါသည်
လူထုခေါင်းဆောင် ပီသစေချင်ပါသည်
ပါတီတစ်ခုတည်းရဲ့ ခေါင်းဆောင်အဖြစ် မမြင်ချင်ပါ
ဒီမိုကရေစီအင်အားစုအားလုံးရဲ့ ခေါင်းဆောင်အဖြစ် မြင်ချင်ပါသည်

၂၀၁၀ အရင်က ဒီမိုကရေစီခေါင်းဆောင်စင်စစ်ဖြစ်နေခဲ့ပါသည်
၂၀၁၀ နောက်ပိုင်းတွင် ၂၀၁၀ ရွေးကောက်ပွဲဝင် ဒီမိုကရက်တစ်အင်အားစုများ၏ ခေါင်းဆောင် မဖြစ်တော့ပါ
ထိုအင်အားစုများကို ဥပေက္ခာပြုထားခဲ့ပါပြိ
၁၉၉၀ အုပ်စုဝင်ပါတီများ၏ ခေါင်းဆောင်အဖြစ်သာ လှုပ်ရှားပြနေသည်ကို မြင်နေရပါသည်
လွှတ်တော်တွင် ၂၀၁၀ အုပ်စုဝင်ပါတီများသာ ရှိနေပါသည်။ ၁၉၉၀အုပ်စုဝင်ပါတီများ မရှိပါ
ထိုပါတီများ၏ လွှတ်တော်ကိုယ်စာလှယ်များကိုသာ တွေ့ဆုံပြီး ပါတိများကို မျက်ကွယ်ပြုထားခြင်းသည်
ဗိုလ်ချုပ်အောင်ဆန်းမြင်လျှင် အလွန်ဝမ်းနည်းသွားရပါလိမ့်မယ်

မြန်မာ့နိုင်ငံရေးတွင် ဒီမိုကရက်တစ်အင်အားစုများကြား
၂၀၁၀ အုပ်စုနှင့် ၁၉၉၀ အုပ်စု ဟူ၍ အလိုလို သီးခြားနှစ်ပိုင်းကွဲသွားနေပါသည်
တိုင်းရင်းသားပါတီများတွင်လည်း ထိုအုပ်စုနှစ်ခုသည် ဘယ်လိုမှ ပေါင်းစည်း၍ မရနိုင်တာကို တွေ့နေရပါသည်
တိုင်းရင်းသားအချင်းချင်းပေါင်းစည်းရန် ကြိုးစားသော်လည်း မရနိုင်ခဲ့ပါ
အခြေခံရည်ရွယ်ချက်သဘောထားခြင်း ကွာခြားနေ၍ ဖြစ်ပါလိမ့်မည်
အပြုသဘောဆောင်၍ တိုင်းပြည်တိုးတက်ရေးကိုရှေ့ရှုနေသော ၂၀၁၀ အုပ်စုဝင်ဒီမိုကရက်တစ်ပါတီများနှင့်
နဂိုရပ်တည်ချက်များမှ မရွေ့ပြောင်းနိုင်သေးသော ၁၉၉၀ အုပ်စုဝင်ပါတီများလို့ ဆိုရပါလိမ့်မည်
အတွေးပြောင်းမှသာ ထပ်တူညီလာပါလိမ့်မည်
ပါတီကြီးနှစ်ခုကို ယှဉ်ရန်အတွက် တိုင်းရင်းသားများစုပေါင်း၍ ပါတီတစ်ခုထောင်ကြမည်ဟုဆိုပါသည်
စာရွက်ပေါ်တွင် အလွန်ကောင်းပါသည်
စာရွက်အပြင်ဖက် တကယ့်လက်တွေ့နယ်ပယ်တွင်မှု ရွှေအိမ်မက်အဖြစ်သာ ရှိနေပါလိမ့်မည်