ရွေးကောက်ပွဲစနစ်ပြုပြင်ရေးနှင့်ပတ်သက်၍ ဒီမိုကရေစီ မိတ်ဆွေပါတီများ၏ သဘောထားကြေညာချက်

ရွေးကောက်ပွဲစနစ်ပြုပြင်ရေးနှင့်ပတ်သက်၍

ဒီမိုကရေစီ မိတ်ဆွေပါတီများ၏ သဘောထားကြေညာချက်

                                                              

                                                                                    ရက်စွဲ၊ ၂၀၁၂ခုနှစ်၊ ဇွန်လ ( ၂၈  ) ရက်

၁။       မြန်မာနိုင်ငံတွင် လွတ်လပ်ရေးရပြီးနောက် ကျင်းပခဲ့သောရွေးကောက်ပွဲများတွင် မဲဆန္ဒနယ်တစ်ခု၌ ဝင်ရောက်ယှဉ်ပြိုင်သူ ကိုယ်စားလှယ်လောင်းများအနက်  မဲအများဆုံးရရှိသူတစ်ဦးသာ  အနိုင်ရကိုယ်စားလှယ်

ဖြစ်သည့်စနစ် ( First Past The Post—FPTP System ) ကို ကျင့်သုံးလာခဲ့ပေသည်။

၂။       ဤစနစ်အရ အနိုင်ရသူကို မဲပေးလိုက်ကြသူများသည်သာ လက်တွေ့တွင် ကိုယ်စားပြုခြင်းခံရပြီး၊ ကျန်မဲဆန္ဒရှင်များမှာ ကိုယ်စားမပြုပဲချန်ထားခံရသည်ဟု ခံစားရခြင်း၊ လွှတ်တော်တွင် ပြည်သူလူထု၏ဆန္ဒ သဘောထားကို တိကျမှန်ကန်စွာ ထင်ဟပ်ဖေါ်ပြနိုင်မှု မရှိခြင်း၊ အချိုးမညီသည့် ကိုယ်စားပြုမှုများ ဖြစ်ပွားရ ခြင်းတို့ ပေါ်ပေါက်ခဲ့ရပါသည်။

၃။       ယခုအခါ ကျွန်ုပ်တို့၏ အိမ်နီးချင်းနိုင်ငံအချို့အပါအဝင် ကမ္ဘာ့ဒီမိုကရေစီနိုင်ငံ အများအပြားတွင်၊ အထက်ဖေါ်ပြပါ တစ်နယ်တစ်ယောက် မဲအများဆုံးလူအနိုင်ရကိုယ်စားလှယ်ဖြစ်သည့် (FPTP ) စနစ်အစား နိုင်ငံရေးအုပ်စုများကို မိမိတို့ရရှိသည့် ဆန္ဒမဲအနည်းအများအလိုက် လွှတ်တော်၌ ကိုယ်စားပြုခွင့်ရစေမည့် အချိုးကျကိုယ်စားပြုစနစ်  ( Proportional Representation –PR System ) ကို ရွေးကောက်ပွဲများ၌ သုံးစွဲနေကြပြီ ဖြစ်ပါသည်။

၎။       အချိုးကျကိုယ်စားပြုစနစ် ( PR System ) ကို ကျင့်သုံးခြင်းအားဖြင့် မဲဆန္ဒရှင်များ၏ ကွဲပြားခြား နားသော ဆန္ဒသဘောထားများကို လွှတ်တော်၌ ထင်ဟပ်နိုင်ခြင်း၊ မဲများ အလဟဿအကျိုးမဲ့ဖြစ်မှု နည်းသွား သည့်အတွက် ရွေးကောက်ပွဲတွင် ပြည်သူလူထုပါဝင်မှု တိုးတက်လာခြင်း၊ ပါတီငယ်များ၊ တိုင်းရင်းသား ပါတီများ၊ ပုဂ္ဂလိကကိုယ်စားလှယ်လောင်းများအတွက် မျှတသည့်ကိုယ်စားပြုခွင့်ရခြင်း၊ စစ်မှန်သည့် ပါတီစုံ စနစ်ထွန်းကားပြီး၊ ရွေးကောက်ခံအာဏာရှင်စနစ် (Electoral Dictatorship ) ပေါ်ပေါက်မှုကို တားဆီးနိုင်ခြင်း၊  လွှတ်တော်ကိုယ်စားလှယ်များ၏  အရည်အသွေးနှင့် အမျိုးသမီးများပါဝင်လာမှုတို့ တိုးတက်လာခြင်း စသည့် အကျိုးကျေးဇူးများရရှိပြီး၊ ဒီမိုကရေစီစနစ် တည်တံ့မှုကို မလွဲမသွေ အထောက်အကူပြုမည်ဖြစ်ပါသည်။

၅။       သို့ဖြစ်၍ မြန်မာနိုင်ငံတွင် ရှေ့အဖို့ကျင်းပလတ္တံ့သော ပါတီစုံဒီမိုကရေစီရွေးကောက်ပွဲများ တွင် ခေတ်မီပြီး တရားမျှတသည့် အချိုးကျကိုယ်စားပြုစနစ် ( PR ) သို့မဟုတ် ( PR ) နှင့် ( FPTP ) စနစ် နှစ်ခုစလုံးမှ ကောင်းမွန်သည့်အချက်များကို ပေါင်းစပ်ကျင့်သုံးသည့် ကိုယ်စားလှယ်နှောအချိုးကျစနစ်             ( Mixed Member Proportional-- MMP System ) ကို ကျင့်သုံးနိုင်ရေးအတွက် ကြိုးပမ်းသွားမည် ဖြစ်ကြောင်း ကြေညာအပ်ပါသည်။

                                                          

 ဒီမိုကရေစီမိတ်ဆွေပါတီများ