|
အမျိုးသားဒီမိုကရေစီအင်အားစု
သတင်းထုတ်ပြန်ရေးအဖွဲ့
သတင်းထုတ်ပြန်ချက်အမှတ် ( ၁၀/ ၂၀၁၆)
ရက်စွဲ။ ၁-၇-၂၀၁၆
NDFပါတီ၏ ကျွန်ုပ်တို့မျှော်မှန်းသော ဖက်ဒရယ်ပြည်ထောင်စုစာတမ်း မကြာမီထုတ်ပြန်မည်
လာမည့် ဇူလိုင်လ ၁၆ ရက်နှင့် ၁၇ ရက်နေ့များတွင် ကျင်းပမည့် အမျိုးသားဒီမိုကရေစီအင်အားစုပါတီ၏ သတ္တမအကြိမ်မြောက် နိုင်ငံလုံးဆိုင်ရာဗဟိုဦးစီးကော်မတီ အစည်းအဝေးတွင် ပါတီ၏ မူဝါဒသဘော ထား ဖြစ်သည့် ကျွန်ုပ်တို့မျှော်မှန်းသော ဖက်ဒရယ်ပြည်ထောင်စု ဆိုသည့်စာတမ်းကို တင်သွင်းအတည်ပြုမည် ဖြစ်သည်။
ထိုစာတမ်းတွင် ဖက်ဒရယ်စနစ်အတွက် အဓိကစဉ်းစားရမည့် အချက်နှစ်ချက်နှင့် ပြည်ထောင်စုစနစ်နှင့် ဖက်ဒရယ်စနစ် ကျင့်သုံးရာတွင် ထားရှိရမည့်သဘောထားများ၊ ဖက်ဒရယ်ယူနစ်များ သတ်မှတ်ခြင်း၊ လုပ်ပိုင်ခွင့်အာဏာသတ်မှတ်ခြင်းများပါဝင်သည်။ ထို့ပြင် ဖက်ဒရယ်ပြည်ထောင်စုဖွဲ့စည်းရေးအတွက် ကဏ္ဍအသီးသီးတွင် ထည့်သွင်းစဉ်းစားရန် NDF ပါတီ၏အဆိုပြုချက်တွင် အခန်းလေးခန်းပါဝင်ပြီး၊ နိုင်ငံရေး၊ စီးပွားရေး၊သယံဇာတထုတ်ယူရေးနှင့် ပတ်ဝန်းကျင်ထိန်းသ်ိမ်းရေး၊ နိုင်ငံတော်ကာကွယ်ရေးနှင့်လုံခြုံရေးကဏ္ဍ များ ပါဝင်သည်။ စာတမ်းမှာ စာမျက်နှာ(၂၀) ပါရှိကြောင်း သိရှိရပါသည်။
ထိုစာတမ်းကို နိုင်ငံလုံးဆိုင်ရာဗဟိုဦးစီးကော်မတီ အစည်းအဝေးတွင် ဖြန့်ဝေမည်ဖြစ်ပြီး နိုင်ငံရေးပါတီ များသို့လည်း ပေးပို့သွားမည်ဖြစ်ကြောင်း သတင်းထုတ်ပြန်အပ်ပါသည်။
No comments:
Post a Comment